المكونات
المقادير :
للرز :
٢ كوب رز بسمتي
٣ أكواب مية
٢ معلقة كبيرة سمنة
معلقة صغيرة زعفران
ملح حسب الرغبة
للتزيين :
١ حبة بصل (مقلي)
لوز حسب الرغبة (مقلي)
الفراخ : فرخة (متقطعة ٨ أجزاء ومغسولة)
١ حبة بصل (كبير ومفروم)
٤ فصوص التوم (مفروم)
معلقة كبيرة زنجبيل (مبشور)
معلقة صغيرة كركم
معلقة صغيرة كمون
نص معلقة صغيرة فلفل أسود
رشّة قرفة
٤ حبات حبهان
٢ حبة ورق لورا
كوب لبن رايب
ملح حسب الرغبة
٤ معالق كبيرة زيت (للقلي)
طريقة التحضير
١- في بولة، اخلطي الفراخ مع البصل، التوم، الزنجبيل، الكركم، الكمون، الفلفل الأسود، القرفة، الحبهان، ورق اللورا، والزبادي، ورشة ملح.
٢- غطيها وحطيها في التلاجة تتبل ليلة كاملة.
٣- في حلة واسعة، سخني شوية زيت وضيفي قطع الفراخ المتبلة، وقلبيها لحد ما تتحمر من كل الجوانب.
٤- في بولة، اغسلي الرز كويس بمية باردة.
٥- في حلة تانية، سخني شوية سمنة، وضيفي المية، الزعفران، رشة ملح، والرز، وسيبيه على نار متوسطة لحد ما يستوي.
٦- في حلة الطبخ، حطي طبقة من الرز المستوي، وبعدها طبقة من الفراخ المحمرة.
٧-كرري الطبقات لحد ما تخلصي الكمية.
٨-غطي الحلة، وسيبيها على نار هادية حوالي ١٥ دقيقة لحد ما الرز يتشرب الطعم.
٩- قدمي البرياني سخن، وزينيه بالبصل المقلي واللوز وبألف هنا
