المكونات
كيلو صدر فراخ (متقطع شرايح ومخلي من العظم والجلد)
نص كوب لبن رايب
١ حبة عصير ليمون (كبير الحجم)
٣ فصوص توم (مفروم)
معلقة كبيرة بابريكا (حلوة)
معلقة صغيرة بابريكا (مدخنة)
معلقة صغيرة كمون
نص معلقة صغيرة قرفة
ربع معلقة فلفل أسود
رشّة ملح
معلقة كبيرة زيت
كوب بقدونس (طازة ومفروم)
طريقة التحضير
١- في بولة كبيرة، حطي قطع الفراخ وكل مكونات التتبيلة (الزبادي، عصير الليمون، الثوم، البابريكا، الكمون، القرفة، الملح، والفلفل الأسود).
٢- اخلطي كل حاجة كويس لحد ما الفراخ تتشرب التتبيلة تمام.
٣- ضيفي شوية زيت على الفراخ المتبلة، وقلّبيها.
٣- غطّي البولة ودخّليها التلاجة لمدة ساعتين على الأقل، ولو سيبتيها طول الليل هتديكي طعم أحلى.
٤- سخّني الجريل على نار متوسطة.
٥- طلّعي الفراخ من التتبيلة وصفيّها من الزبادي.
٥- حطي الفراخ على الجريل، وقلّبيها على كل الجوانب لحد ما تستوي ويبقى لونها ذهبي.
٦- قدّمي شاورما الفراخ سخنة وزيّنيها بالبقدونس المفروم وبألف هنا.
