المكونات
كوب تمر هندي (كوب كبير / مجفف ومتقطّع قطع صغيرة)
٢ لتر مية
٢ كوب سكر أبيض
معلقة صغيرة ماء ورد
معلقة صغيرة عصير ليمون
طريقة التحضير
١- سخني المية في حلة على نار متوسطة، بعدين ضيفي قطع التمر الهندي، وسيبيه يغلي حوالي ١٠ دقايق.
٢- ارفعي الحلة من على النار، وغطيها، وسيبي التمر الهندي يتنقع في المية من ٦ لـ ١٢ ساعة.
٣- حضري دورق كبير، وحطي عليه شاش نضيف، وصبي العصير لحد ما يتصفى في الدورق وتفضل قطع التمر والشوائب على الشاش.
٤- ضيفي عصير الليمون، وماء الورد، والسكر على عصير التمر الهندي، وقلبيهم كويس.
٥- حطي العصير في التلاجة لحد ما يبرد، وبعد كده قدميه بارد وبألف هنا
