المكونات
المقادير :
٢/١ مكرونة (قلم أو إسباجتي)
٢/١ كيلو صدور دجاج مكعبات
٤/١ كيلو مشروم (إختياري)
١ بصلة مفرومة
٢/١ كوب فلفل ألوان مكعبات
٤/١ كوب زيتون أخضر حلقات
١ مكعب مرقة دجاج
٤/١ كيلو ميكس جبن رومي وشيدر
٣ أكواب لبن
٤ معالق دقيق
٤ معالق زبدة أو زيت
ملح وفلفل – ٢ بيضة
طريقة التحضير
طريقة التحضير :
١- ابدأي بسلق المكرونة بالطريقة المعتادة وصفيها من الماء.
٢- في طاسة، سخني الزبدة وحمري البصلة المفرومة واستمري في التقليب لحد ما ياخد لون دهبي.
٣- ضيفي الفلفل والزيتون والمرقة مع شوية ملح وفلفل، وحركيهم شوية. بعد كده ضيفي الفراخ والمشروم واخلطيهم مع بعض لحد ما يستووا.
لعمل البشاميل :
١- في حلة، حطي الزبدة وبعدين سخنيها على النار لحد ما تسيح، وبعد كده ضيفي الدقيق وقلبي شوية لحد ما الدقيق لونه يصفر شوية.
٢- ارفعي الحلة من على النار وضيفي اللبن وحركي بسرعة بإستخدام مضرب يدوي. بعد كده رجعيها على النار وقلبي لحد ما البشاميل يغلى.
٣- بعد ما البشاميل يبرد، ضيفي البيض واضربيه كويس مع البشاميل.
لتحضير النجرسكو :
– ضيفي ربع كمية البشاميل على المكرونة المسلوقة وقلبيهم كويس.
٢- جيبي صينية بايركس وادهنيها بالزيت، وحطي فيها نصف كمية المكرونة.
٣- وزعي عليها قطع الفراخ اللي حضرتيها، ورشي خليط الجبن الرومي والشيدر على المكرونة.
٤- ضيفي باقي كمية المكرونة وبعدين حطي باقي البشاميل علشان يغطي الوش، ورشي باقي الجبن.
٥- دخلي الصينية في الفرن لمدة ربع ساعة أو لحد ما تاخد لون دهبي.
وبألف هنا.
