المكونات
مقادير الحشوة :
٣ معالق كبيرة زيت النباتي
نص كيلو لحمة مفرومة
١ حبة بصل (مفروم)
١ حبة فلفل أحمر (متقطع شرايح)
نص معلقة صغيرة ملح
نص معلقة صغيرة فلفل أسود
رشّة حبهان (مطحون)
مقادير صوص البشاميل :
٤ أكواب لبن (سايل)
٦ معالق كبيرة دقيق
نص كوب زبدة
معلقة صغيرة ملح
نص معلقة صغيرة فلفل أسود
٧ حبات كوسة (متوسطة الحجم ومتقطعة شرايح طويلة)
ربع كوب زيت
ربع كوب جبن البارميزان (مبشور)
طريقة التحضير
١- سخني الفرن على ١٨٠ درجة.
٢- رصي شرايح الكوسة في صينية، وادهنيها زيت من الناحيتين.
٣- دخليها الفرن لمدة ١٠- ١٥ دقيقة، وبعدها قلبيها على الوش التاني وسيبيها ١٠ دقايق كمان لحد ما تبقى طرية.تحضير حشوة اللحمة :
٤- سخني شوية زيت في طاسة على نار متوسطة، وضيفي اللحمة المفرومة، البصل، والفلفل الأحمر.
٥- حطي رشة ملح، فلفل أسود، وحبهان، وقلبيهم لمدة ١٥ دقيقة لحد ما اللحمة تستوي كويس.
تحضير البشاميل :
٦- في حلة، سيحي الزبدة على نار متوسطة، وضيفي الدقيق، وقلبي لمدة ٥ دقايق علشان ما يكلكعش.
٧- صبي الحليب تدريجياً مع التقليب المستمر، ورشي شوية ملح وفلفل أسود.
٨- سيبيه على النار ٧- ١٠ دقايق لحد ما يتقل، وبعدها شليه من على النار.
التجميع :
٩- في بايركس، حطي طبقة من البشاميل في القاع.
١٠- رصي فوقها شرايح الكوسة، وبعدها وزعي اللحمة المفرومة بالتساوي.
١١- غطيها بطبقة تانية من البشاميل، ورشي جبنة بارميزان على الوش.
١٢- دخليها الفرن لمدة ٤٥ دقيقة لحد ما تحمر.
١٣- طلعيها وقدميها سخنة وبألف هنا
